म्यानमारका अग्गमहापण्डित लेदी सयादोद्वारा रचित पट्ठानुद्देसदीपनीलाई अनागारिका अग्गञाणीले नेपाली भाषामा अनुवाद गर्नुभएको हो । यस पुस्तकमा पट्ठानुद्देसलाई पच्चयत्थदीपनी, पच्चयसभागनय र पच्चयघटनानय शिर्षकहरूमा छुट्याएर वर्णन गरिएको छ । पच्चयत्थदीपनीमा २४ वटा प्रत्ययलाई प्रत्येकको अर्थ, अभिप्राय, प्रत्यय (कारण), प्रत्ययुत्पन्न (फल) र प्रत्यय शक्तिलाई व्याख्या गरिएको छ । त्यस्तै पच्चयसभागनयमा ५४ प्रकारका पट्ठानप्रत्ययहरूलाई तीनवटा कालमा विभाजन गरेर विस्तृतरूपले देखाइएको छ । त्यस्तै नै प्रत्ययघटनानयमा एउटा एउटा प्रत्ययुत्पन्न धर्ममा धेरै प्रत्ययहरू समावेश भएकोलाई देखाएको छ ।