भगवान बुद्धकाे बुद्ध बचन छछक्क सुत्तलाई हिन्दीबाट नेपालीमा अनुवाद गरी सरल भाषामा प्रस्तुत गरीएकाे छ । जसमा भगवान बुद्धले आदि, मध्य तथा पर्यवसान (अन्त)मा पनि कल्याण हुने सार्थक ब्यञ्जन सहित भएकाे धर्म उपदेशहरु जुन छ छवटामा बिभाजन गरि समावेश गरेका छन् ।
भगवान बुद्धकाे उपदेशलाई छिटाे र सरल भाषामा बुझ्न चाहनेहरु ।
बुद्ध शिक्षा अनुसार र लेखककाे अनुभव र विचारहरुलाई मिसाएर नैतिक र संस्कृति सम्बन्धि विभिन्न शिर्षकका रचनाहरु रहेका छन् ।
समाजमा रहेका हरेक ब्यक्तिहरुलाई ।
नाम र रूप निराेध, बुद्धकाे पाँच ज्ञानमूर्ति - तीन चर्या, पाँच महात्याग, पाँचवटा दिनचर्या आदिका बारेमा उल्लेख ।
मिथ्यादृष्टिबाट मुक्त हुन चाहनेहरू ।
बुद्ध शासनमा प्रवर्जित भएका भिक्षुहरुकाे काम, कर्तव्य, नियमहरुका साथै नेपाल बाहिरका भिक्षुहरुकाे जीवनीका बारेमा उल्लेख गरिएकाे ।
भिक्षुहरु तथा भिक्षु जीवनका बारेमा जानकारी हासिल गर्न चाहनेहरु ।
भिक्षु धर्मालाेक महास्थविरकाे संक्षिप्त जीवनी
भिक्षु धर्मालाेक महास्थविरकाे बारेमा जान्न चाहने सम्पूर्ण ब्यत्तिहरु ।
बिपश्यना के र किन साथै 'धर्मश्रृङ्ग' नेपाल विपश्यना केन्द्र बारे एक परिचयका बारेमा जानकारी
विपश्यना भावनाबारे जान्न चाहने सम्पूर्ण ब्यत्तिहरु
बि. सं. २०३४ सालदेखि बि. सं. २०४४ सालसम्म लेख्नुभएका १६ वटा ग्रन्थहरुका सूचीहरु प्रस्तुत गरी त्रिपिटकपालिबाट के कति सूत्रहरु बुध्दकालीन ग्रन्थहरुमा अनुदित भएका छन् भन्ने कुरा बुझ्नकाे निमित्त तयार पारिएकेा पुस्तक ।
त्रिपिटक अध्ययन गर्ने र रुची राख्नेहरुलाई उपयाेगी ।
चतुर्थ बिश्व बाैध्द सम्मेलन सफलताका साथ सम्पन्न गर्न सहयाेगकाे लागि आव्हान ।
चतुर्थ बिश्व बाैध्द सम्मेलनका बारेमा अध्ययन गर्न इच्छुक ।
यस पुस्तकमा संक्षिप्त बुद्ध वंश उल्लेख गरिएकाे छ । २८ बुद्धकाे नामावली कल्प र कल्पकाे प्रकारसहित मन्दकल्पकाे फुस्स बुद्ध देखि भद्र कल्प गाैतम बुद्ध सम्मकाे वंशवलीलाइ सरलरूपमा प्रस्तुत गरिएकाे छ ।
संक्षिप्त बुद्ध वंश र कल्पका विषयमा जान्न चाहनेहरूकाे लागी ।
यस पुस्तकमा विभिन्न प्रकारका मानव स्वभावहरू कथासहित व्याख्या गरिएकाे छ । मानव स्वभावअन्तर्गत नरक, प्रेतयाेनी, मनुष्ययाेनी, देव, ब्रम्हायाेनीबाट आएका मानिसहरूकाे स्वभावलाइ यसमा सरल र स्पष्टरूपमा प्रस्तुत गरिएकाे छ ।
यस पुस्तकमा बर्मी भिक्षु धम्मावुधले अल इन्डिया रेडियाेमा दिनु भएकाे उपदेशहरू समेटिएकाे छ । यस उपदेश उहाँले बुद्धकाे जन्मस्थान, शाक्य जातीकाे उत्पति, बर्मी रनेपाली बिचकाे सम्बन्धकाे इतिहाससहित शाक्यमुनी बुद्धकाे समग्र जीवनीलाइ संक्षिप्त र सरल व्यवहारिकरूपमा प्रस्तुत गरिएकाे छ ।
शाक्य जाती र शाक्यमुनी बुद्धकाे विषयमा जान्न चाहनेहरूकाे लागी उपयाेगी ।
यस पुस्तकमा ३ वटा भाषामा बुद्ध पूर्णिमाकाे महत्व, पञ्चशील, चार आर्यसत्य र आर्यअष्टाङ्गिक मार्गकाे विषयमा लेखिनुकाे साथै संक्षिप्त स्वयम्भू इतिहास पनि यसमा समावेश गरिएकाे छ ।
बुद्ध जयन्ति र संक्षिप्त स्वयम्भू इतिहास जान्न चाहनेहरूकाे लागी उपयाेगी ।
यस पुस्तकमा बाैद्ध ऋषि महाप्रज्ञाकाे जीवनीलाइ प्रस्तुत गरिएकाे छ । उँहाकाे देन त्याग र संघर्षका विषयवस्तु हरूलाइ समावेश गरिएकाे छ ।
बुद्ध धर्म पुर्नजागरण कालमा बाैद्ध ऋषि महाप्रज्ञाकाे भूमिका जान्न चाहनेहरकाे लागी उपयाेगि ।
यस पुस्तकमा सफलता प्राप्त गर्नकाे लागी बुद्धि र विवेककाे प्रयाेग गर्नुपर्छ । जीवनकाे स्तरलाइ जानेर उत्तम जीवन यापन गर्नुपर्छ । आर्य मार्गमा लागेर जीवनलाइ सफल पार्न सकिन्छ भन्ने कुरा कथा सहित स्पष्ट गरिएकाे छ ।
सबै व्यक्तिहरूकाे लागी उपयाेगी ।
यस पुस्तकमा महासतिपट्ठानसुत्तकाे महत्व, उद्देश्य सहित कायानुपश्यानाका सम्पुर्ण प्रकारहरूलाइ सरल रूपमा अर्थसहित प्रस्तुत गरिएकाे छ ।
महासतिपट्ठान र ध्यान सम्बन्धी अध्ययन गर्न चाहनेहरूकाे लागी उपयाेगी ।
यस पुस्तकमा बुद्धकाे उपदेशलाइ व्यहारिक र कथात्मक रूपमा प्रस्तुत गरिएकाे छ । साथै लेखककाे आफ्नाे सन्देशमूलक अनुभव पनि समावेश गरिएकाे छ । दानकाे महानता, प्रेमबाट उत्पन्न दुःख सहित वास्तविक धर्म पहिचान आदि विविध ३४ शिर्षकमा व्यवहारिक अनुभव र कथा समावेश भएकाे पाइन्छ ।
सबै मानिसहरूकाे लागी उपयाेगी ।
